خاتم المرسلين
اهلا ومرحبا اخى الزائر ارجوا من الله ان تستفاد من هذا المنتدى وان يكون خير لك ولنا فى الدنيا والاخرة ومرحب بك من اسرة المنتدى ان تكون زائرنا فى اى وقت ويسعدنا ويشرفنا ان تبقى عضو نشيط معنا .. هدف المنتدى هوا ان نقدم ولو معلومة بسيطة عن ديننا وعن رسولنا الكريم وان نفيد به المجتمع ككل وان نكون سبب فى هداية انسان الى ديننا الحبيب الاسلام وشكرا اخى الزائر


منتدى بيتكلم عن كل ماهو يتعلق بعلوم الدين والدنيا
 
الرئيسيةس .و .جبحـثالتسجيلدخول

شاطر | 
 

 انا ليه محجبه ؟؟!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sara asran
عضو مميز
عضو مميز
avatar

عدد المساهمات : 155
تاريخ التسجيل : 19/07/2011
العمر : 20

09092011
مُساهمةانا ليه محجبه ؟؟!!

أنا ليه محجبة ؟؟!!!

1_علشان أنا حرة .. مش من حق حد يشوف منى اللى مش عايزاه يشوفه إلا بإرادتى ... و من حقى أختار مين اللى يشوف منى أجمل ما عندى .. واللى علشان يشوف ده ويبقى حقه و حلاله بلاله عن طيب خاطر .. لازم هو كمان يدينى مشاعره و اللى باقى من عمره عن طيب خاطر ...

... 2_علشان أنا غالية .. مينفعش أقلل من قيمة نفسى و أخليها عرضة لكل العيون .. و يبقى خروجى مكشوفة ضوء أخضر لكل من هب و دب يسرق منى ولو نظرة لأى جزء مش متغطى فيا .. حتى لو مكنش ده قصدى ... بس مش هقدر أمنعه ... (مع كامل اعتذارى لغير المحجبات .. ولكن ده اللى هيوصل منك لضعيفى النفوس حتى لو مكنش ده قصدك .. و ده اللى علشانه ربنا فرض الحجاب .. علشان مايطمعش الذى فى قلبه مرض )

3_علشان أنا بحترم نفسى و واثقة فيها جدا و شايفة نفسى كبيرة قدام نفسى و ماينفعش أنزل سوق المنافسة فى الأنوثة علشان أفوز فى الآخر بنظرة شهوانية أو كلمة غزل رخيصة أو عرض صحوبية !!

4_علشان أنا جمالى مش خارجى وبس .. ومن حقى إن اللى ييجى يتجوزنى .. (اللى هديله الباقى من عمرى وكل مشاعرى..واللى هقاسمه أحلامى و أفكارى..واللى هخلف منه أولادى و هربيهم معاه ) ما يختارنيش على مقاييس شكلية وبس..أو يبقى هو ده العامل الأساسى فى إختياره ليا..علشان كده مش ضرورى يشوفنى فى كامل زينتى و جمالى قبل ما يتجوزنى..الأهم إنه يحب روحى و يعجب بشخصيتى و يرتاح معايا نفسيا..(أصل فى بنات بتأجل الحجاب لحد ما تتجوز..على أساس إنها تكون شنكلت واحد و ضمنته..مع إن مفيش حاجة مضمونة فى الزمن ده..واللى هيختارها علشان جمالها..ممكن أوى يتجوز عليها واحدة أجمل منها .. لأنه أكيد فى الأجمل منها يعنى

5_علشان أنا بخاف على أخويا فى الله اللى بيشوفنى فى الشغل أو فى الكلية أو فى المواصلات أو فى الشارع..و يمكن يكون عايز يقرب من ربنا..و بيجاهد نفسه علشان يغض بصره..فمرضاش لنفسى إنى أكون سبب فى إنى أفتنه

6_ده غير حاجة مهمة كمان...الكفن بتاع النساء فيه حجاب! يعنى اللى مش هتلبسه و هى عايشة بإرادتها طاعة لله..هتلبسه كده كده و هى رايحة قبرها..وطالما ربنا بيقول إننا نتستر حتى و إحنا رايحين قبورنا و خلاص انتهى التكليف و محدش هيشوفنا تانى ولا حد هيطمع فينا..يبقى الأولى إنى أطيع ربنا بإرادتى و ألبس الحجاب وأنا لسه حية أرزق..و أقابل ربنا و هو راضى عنى و آخد أجرى كامل ؟؟ ولا إنى مالبسوش غير وأنا جثة وأقابل ربنا وهو غضبان عليا ؟

ـ ـ ـ ـ ـ ـ ـ ـالـ ـتـ ـوقـ ـيـ ع ـ ـ ـ ـ ـ ـ ـ ـ ___________________


الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

انا ليه محجبه ؟؟!! :: تعاليق

لا يوجد حالياً أي تعليق
 

انا ليه محجبه ؟؟!!

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
خاتم المرسلين :: قسم العلم :: خواطر - مدونات الاعضاء-
انتقل الى: